HYNT Y MEDDWYN.
RHAN I.
Bore'r Briodas.
Alaw.—"GEIRIONYDD."
YN bore hyfryd, teg o Fai, hir gofir am y tro,
Yr unwyd John a Jane ynghyd, dau flodyn hardda'r fro;
Pawb oedd yn fyw y bore hwn trwy'r pentref ymhob man,
I weled dau mor fawr eu parch yn hwylio tua'r Llan.
John Jones o'r Plas y gelwid ef, lle bu am dymor maith
Yn brif weinidog ffyddlon iawn, dieilydd yn ei waith;
Ei wyneb a arliwid gan wych bwyntil Dirwest hardd,
Mor iach ei wedd a theg ei lun ag Adda yn yr ardd.
Jane Jones o'r Plas fu hithau'n hir, yn fawr ei chlod a'i bri;
Tylawd, cyfoethog, mawr a bach, pob gradd a'i parchent hi;
'Doedd neb yn well ei swydd na Jane, na neb yn fwy ei dawn,
Fel arolyges ar y Plas, yn gall a gonest ia wn.
Erioed ni roddwyd dan yr iau ddau gymar mor gytun,
I dynnu'u cwys mor deg i'r pen, yn hardd a llefn ei llun;
