MR. DAVID DAVIES, (Eos Derfel,) Llandderfel.
'Roedd mwy na’i lon'd o uniondeb—a byw wnaeth
Heb wneyd anghywirdeb,
Na thaenu, dan rith wyneb,
Anghyfiawn air yn nghefn neb.
—Dewi Havhesp.
MR. WILLIAM FOULK.
(Dechreuwr Canu yn Nghapel Tremadog.)
Gwely 'i serch oedd Eglwys Iôn—a'i fwyn lais
Fu'n wledd i blant Sion;
Heddyw ei bêr dyner dôn
Sy'n felus i nefolion.
—Ioan Madog.
EDWARD JONES, Torwr Beddau.
(Yn Mynwent Llandderfel, Meirion.)
Dyma fedd torwr beddau—dyn di roch,
Diwyd iawn drwy'i ddyddiau,
A gwên bob amser yn gwau,
Wr hynaws, ar ei enau.
—Dewi Havhesp.
D. R. PUGHE, Ysw., Frondirion.
Aeth yn glaf, a thyna glo—ar y byd!
I'r bedd bu raid cilio;
Ein coffhâd, er hyn, caiff o;
Gŵr da oedd,—gair da iddo.
—Eben Fardd.
Yn Mynwent BETTWSYCOED.
Yn ieuanc iawn i ddidranc hedd—galwyd
Gwilym lân ei fuchedd;
A thrwy hyny daeth Rhinwedd
Yn falch i arddel ei fedd.
