43[1] SALM CXIII. 1—9.
888.888.
1. CHWI weision Duw, molwch yr Iôn,
Molwch ei enw â llafar dôn,
Bendigaid fyddo'i enw Ef;
O godiad haul hyd fachlud dydd
Mawr enw'r Iôn moliannus fydd,
Yn y byd hwn ac yn y nef.
2. Dyrchafodd Duw uwch yr holl fyd,
A'i foliant aeth uwch nef i gyd:
Pwy sydd gyffelyb i'n Duw ni?
Yr hwn a breswyl yn y nef,
I'r ddaear hon ymostwng Ef;
Gwêl Ef ein cam, clyw Ef ein cri.
3. Yr Hwn sy'n codi'r tlawd o'r llwch,
A'r rheidus o'i drueni trwch,
I'w gosod uwch penaethiaid byd;
I'r unig a'r amddifad rhy
Lawenydd, llwyddiant, tylwyth tŷ;
Am hyn moliennwch Dduw i gyd.
Edmwnd Prys
44[2] Emyn Diolch.
98. 98. D.
1. FY enaid, bendithia yr Arglwydd,
A chofia'i holl ddoniau o hyd,
Maddeuodd dy holl anwireddau,
Iachaodd dy lesgedd i gyd;
Gwaredodd dy fywyd o ddistryw,
 gras y coronodd dy ben,
Diwallodd dy fwrdd â daioni:
Atseinier ei fawl hyd y nen.
2.Trugarog a graslawn yw'r Arglwydd,
Hwyrfrydig i lid i roi lle;
Nid byth y mae'n cadw digofaint,
Nid byth yr ymryson efe;
