67[1] Ffordd Duw'n guddiedig.
76. 76. D.
1.FFORDD Duw sydd yn y dyfroedd,
A'i lwybrau oll yn gudd;
Er hynny, dônt yn amlwg
Pan ddêl yr hynod ddydd:
Holl droeon maith rhagluniaeth—
Bydd clir belydrau Duw
Yn dangos eu cymhwyster
I bob creadur byw.
2.Gan hynny, ymdawelwn
Mewn gostyngeiddrwydd gwiw,
A gwir fwyneidd—dra duwiol
Mewn 'stormydd o bob rhyw:
Pob awel lem anhyfryd—
Yn ôl yr arfaeth gynt,
Ar honno yn marchogaeth
Mae Arglwydd mawr y gwynt.
David Charles (1803-1880)
68[2] Cariad Duw.
76. 76. D.
1.O! FOROEDD o ddoethineb
Oedd yn y Duwdod mawr,
Pan fu'n cyfrannu ei gariad
I dlodion gwael y llawr;
A gwneuthur ei drugaredd,
A'i faith dosturi 'nghyd
I redeg megis afon
Lifeiriol dros y byd.
2.Rhyw ddyfnder maith o gariad,
Lled, annherfynol hyd,
A redodd megis dilyw
Diddiwedd dros y byd;
Yn ateb dyfnder eithaf
Trueni dynol-ryw;
Cans dyfnder eilw ar ddyfnder
Yn arfaeth hen fy Nuw.