5.Duw a ŵyr dy holl bryderon,
Agos yw
Dynol-ryw
Beunydd at ei galon.
5.Er dy fwyn ei Fab a roddodd;
Cofia'r groes
Ddyddiau d'oes-
Canys felly carodd."
6.Bellach rho dy ofnau heibio;
Cariad yw
Meddwl Duw ;
Llawenycha ynddo.
—Howell Elvet Lewis (Elfed)
74[1] Mawredd Duw.
86. 86. 88. 86.
1.MAE'N llond y nefoedd, llond y byd,
Llond uffern hefyd yw ;
Llond tragwyddoldeb maith ei hun,
Diderfyn ydyw Duw ;
Mae'n llond y gwagle yn ddi-goll,
Mae oll yn oll, a'i allu'n un,
Anfeidrol annherfynol Fod
A'i hanfod ynddo'i Hun.
2.Clyw, f'enaid tlawd, mae gennyt Dad
Sy'n gweld dy fwriad gwan,
A Brawd yn eiriol yn y nef
Cyn codi o'th lef i'r lan:
Cred nad diystyr gan dy Dad
Yw gwrando gwaedd dymuniad gwiw,
Pe byddai d'enau yn rhy fud
I'w dwedyd gerbron Duw.
Edward Jones, Maes y Plwm
75[2] Duw yn Dad.
86. 86. 88. 86.
1.ORUCHEL Lywydd nef a llawr,
Rhown iti fyth fawrhad;
