3. Mi rof ffarwél i bob rhyw chwant-
Pob pleser is y nen;
Ac yr wy'n cymryd Iesu o'm bodd
Yn Briod ac yn Ben.
4. Ni welaf wrthrych mewn un man,
O'r ddaear las i'r ne',
A dâl ei garu tra fwyf byw,
Yn unig ond Efe.
William Williams, Pantycelyn
108[1]Ymddifyrru yn yr Iesu.
M. C.
1.IESU, difyrrwch f'enaid drud
Yw edrych ar dy wedd;
Ac mae llythrennau d'enw pur
Yn fywyd ac yn hedd.
2. A than dy adain dawel bur
Yr wy'n dymuno byw,
Heb ymbleseru fyth mewn dim
Ond cariad at fy Nuw.
3. Melysach nag yw'r diliau mêl
Yw munud o'th fwynhau;
Ac nid oes gennyf bleser sydd
Ond hynny yn parhau.
4. O! cau fy llygaid rhag im weld
Pleserau gwag y byd,
Ac imi ŵyro byth oddi ar
Dy lwybrau gwerthfawr drud.
5. 'D oes gennyf ond dy allu mawr
I'm nerthu i fynd ymlaen;
Dy iechydwriaeth yw fy ngrym
A'm concwest i, a'm cân.
William Williams, Pantycelyn
- ↑ Emyn rhif 108, Llyfr Emynau y Methodistiaid Calfinaidd a Wesleaidd 1930
