Prawfddarllenwyd y dudalen hon
Ymhen ychydig wythnosau ar ol hyn, yr oedd Kabwe a llawer o ferched ereill a gwragedd hefyd yn prysur gludo priddfeini, o'r cae lle y gwneid hwynt, i fyny i'r lle'r adeiledid y ty newydd i'r Fama oedd ar ddyfod. Deuai muriau'r ty yn uwch o ddydd i ddydd a chyn hir rhoddwyd y to gwellt arno. Yna dechreuwyd adeilad arall o'r tu ol iddo. Un hir, isel, heb ddim llofft, oedd hwn, a dywedwyd wrth y merched mai yn hwn y byddent hwy yn cysgu. Yn bryderus y gwylient ef yn dod i fyny, oherwydd nid allent anghofio yr hyn a glywsent gan yr hen wragedd, a meddylient lawer am y Fama. Yn awyddus ac yn hanner ofnus disgwylient ddydd ei dyfodiad.
