Prawfddarllenwyd y dudalen hon
I'w Argraffu uwch ben Drws Capel.
FFYDDLONDEB, undeb, a bendith,—wych elw,
A chalon ddiragrith;
Gwylia reddf annhygoel rith,
Mae us gwan ym mysg gwenith.
Beddargraff.
YR Ion pan ddelo'r ennyd,—ar ddiwedd,
O'r ddaear a'n cyfyd;
Bydd dorau beddau y byd
Ar un gair yn agoryd.
Ffon y Bardd.
Digwyddodd i Ddewi Wyn, wrth gyd—deithio â R. ap Gwilym Ddu, ryw dro, ofyn iddo paham y cariai ffon mor geinciog, ac atebodd yntau mewn englyn:—
NID arwain Ynn na Deri—Eifionydd
A fynnaf eleni;
Pren Celydd, prin y coeli,
A phen aur yw fy ffon i.
