Prawfddarllenwyd y dudalen hon
Y FILLTIR GYNTAF.
A weli di'r ffordd yn dechreu
Ynghanol y tryblith mawr,
Heb arni na llewych seren
Na llewych goleuni'r wawr?
A weli di'r ffordd yn rhannu
Heb fencydd o niwloedd maith,
Heb arni na chysgod angau
Na chysgod pererin chwaith?
A weli di'r ffordd yn dilyn
I ganol y llus a'r coed,
Heb arni na rhigol olwyn
Nac argraff ewin na throed?
A weli di'r ffordd agored
Yn barod yng ngoleu'r wawr?
A weli di'r perthi mudion?
A weli di'r disgwyl mawr?
A glywi di sŵn y cerdded
Allan i'r bore clir?
A glywi di'r gân a'r trydar
Wedi'r distawrwydd hir?
