Arglwydd Iesu, arwain f'enaid

← Rhyfedd, rhyfedd gan angylion

Arglwydd Iesu, arwain f'enaid gan Samuel Jonathan Griffith (Morswyn)

O! fy Iesu bendigedig →

211^[1] Craig yr Oesoedd.
87. 87. D.

1.ARGLWYDD Iesu, arwain f’enaid
At y Graig sydd uwch na mi,
Craig safadwy mewn tymhestloedd,
Craig a ddeil yng ngrym y lli;
Llechu wnaf yng Nghraig yr Oesoedd,
Deued dilyw, deued tân,
A phan chwalo'r grëadigaeth,
Craig yr Oesoedd fydd fy nghân.

2.Pan fo creigiau'r byd yn rhwygo
Yn rhyferthwy'r farn a ddaw,
Stormydd creulon arna'i'n curo-
Cedyrn fyrdd o'm cylch mewn braw,
Craig yr Oesoedd ddeil pryd hynny,
Yn y dyfroedd, yn y tân :
Draw ar gefnfor tragwyddoldeb
Craig yr Oesoedd fydd fy nghân.

Samuel Jonathan Griffith (Morswyn)

Ffynhonnell

1. Emyn rhif 211, Llyfr Emynau y Methodistiaid Calfinaidd a Wesleaidd 1930