Arhosaf yng Nghysgod fy Nuw

← Dilynaf fy Mugail drwy f'oes

Arhosaf yng Nghysgod fy Nuw gan Henry Lloyd (ap Hefin)

Oleuni mwyn, trwy'r gwyll sy'n cau bob tu

Fy Nghraig a'm cadernid yw'r Iôr

634^[1] Diogelwch y Credadun.
88. 88. D.

ARHOSAF yng nghysgod fy Nuw—
I mewn yn nirgelwch y nef;
Dan adain ei gariad 'r wy'n byw :
Fe'm gwrendy cyn clywed fy llef.
Pe curai trallodion yn hy
I'm herbyn fel tonnau y môr,
Mi ganaf wrth deimlo mor gry',
Fy Nghraig a'm cadernid yw'r Iôr.

2 Nid ofnaf rhag dychryn y nos,
Na'r saeth a ehedo y dydd:
Diogel bob munud o'm hoes
A fyddaf yng nghastell fy ffydd ;
Eiddilaf ryfelwr wyf fi,
I ymladd â nerthoedd y ddraig;
Ond caf fuddugoliaeth a bri,
A Duw Hollalluog yn graig.

—Henry Lloyd (ap Hefin)

Ffynhonnell

1. Emyn rhif 634, Llyfr Emynau y Methodistiaid Calfinaidd a Wesleaidd 1930