Caniadau Barlwydon Llyfr 1/Duw yn Noddfa

← Yr Anudonwr

Caniadau Barlwydon Llyfr 1 gan Robert John Davies (Barlwydon)

Y Dawelnos →

DUW YN NODDFA.

DERFYDD holl rwysg daearfyd,—di-aros
Yn mwynderau bywyd;
Brau yw'n hoes, ber iawn ei hyd,
Gwyro mae pawb i'r gweryd.

Ond Duw erys yn darian—i'r duwiol
Drwy 'i dywydd yn mhobman;
O! loches gynes fe gân
Uwch drygfyd mewn iach drigfan.

Doed dylif, dued heuliau,—o'i gyraedd
Gwasgared planedau,
Noddfa glyd mewn haddef glâu—yn yr Ion
Rhag gelynion ga'r pur eu calonau.