Caniadau John Morris-Jones/O na allwn gynnwys mewn ungair
| ← Mae iddynt gwmpeini heno | Caniadau John Morris-Jones gan John Morris-Jones |
Mae gennyt emau a pherlau → |
XXIII
O na allwn gynnwys mewn ungair
Y tristwch sy dan fy mron;
Mi a'i rhoddwn i'r llon awelon
I'w gludo ymaith yn llon.
Ei gludo i ti, f'anwylyd,
Y gair o dristwch, hyd pan
Ei clywit ef ar bob adeg,
Ei clywit ef ym mhob man.
A pheunoeth cyn i'th amrannau
Mewn cwsg ymgyfwrdd ynghyd,
I'th freuddwyd dyfnaf, f’anwylyd,
Y'th ddilynai fy ngair o hyd.