Caniadau John Morris-Jones/Ti ferch y morwr tyred

← Drwy'r coed yn drist y rhodiwn

Caniadau John Morris-Jones gan John Morris-Jones

Pan fyddwyf yn y bore →

XIII

Ti ferch y morwr, tyred
A'th gwch o'r dyfroedd draw,
Ac eistedd yn fy ymyl
I 'mgomio law yn llaw.

A pham y rhaid it ofni?
Dy ben dod ar fy mron-
Nid ofni'r môr na'i dymestl,
Nac ymchwydd cryf ei don.

Rhyw for yw 'nghalon innau,
 storm, a thrai, a lli;
A llawer perl tryloywaf
Yn ei dyfnderoedd hi.