Cofiant Darluniadol Y Parch William Williams o'r Wern/Pregeth XIX

← Pregeth XVIII

Cofiant Darluniadol Y Parch William Williams o'r Wern gan David Samuel Jones

Pregeth XX →

PREGETH XIX.

"CYFADDEFIAD O BECHOD."

"Addefais fy mhechod wrthyt, a'm hanwiredd ni chuddiais: dywedais, Cyffesaf yn fy erbyn fy hun fy anwireddau i'r Arglwydd, a thi a faddeuaist anwiredd fy mhechod," Salm xxxii. 5.

I. NATUR Y CYFADDEFIAD. "Cyffesaf yn fy erbyn fy hun," &c. Pa bryd y gellir dweyd fod dynion yn cyfaddef eu pechod?

1. Pan yn cymeryd y bai arnom ein hunain, ac nid ei roi ar y temtiwr.

2. Pan y mae dynion yn beio eu hunain, ac nid eu sefyllfa.

3. Pan yn cydnabod na wthiodd dim mo honynt at bechod ond eu blys eu hunain.

4. Pan yn cydnabod mai diffyg blas at bethau sanctaidd oedd yr achos eu bod yn byw mewn pechod.

5. Pan yn cydnabod bod eu pechod gymaint, ac y byddai yn gyfiawn i Dduw eu gadael am byth.

II. Y FRAINT. Maddeuant. Beth yw maddeuant? Beth a gynwysa?

1. Bod Duw yn peidio ein cosbi yn ol ein haeddiant.

2. Mae yn cynwys derbyniad i ffafr Duw.

3. Mae yn weithred gwbl gydunol âg anrhydedd y llywodraeth.

4. Gweithred rad ydyw.

5. Gweithred ddialw yn ol.

6. Mae sicrwydd cyfamodol lle bynag y mae Duw yn maddeu un pechod y maddeua y cwbl.

III. FOD YR ARGLWYDD YN SICR O FADDEU I DDYNION O'R AGWEDD HON, AC NID I NEB ARALL. "A thi a faddeuaist anwiredd fy mhechod,"

1. Byddai maddeu i'r anedifeiriol yn erbyn llywodraeth Duw.

2. Byddai yn erbyn trugaredd. Ni byddai trugaredd ond twyll.

3. Byddai yn erbyn Iawn Crist.

4. Nis gall neb fwynhau maddeuant ond yr edifeiriol.