Dy enw Di, mor hynod yw

← Hwn yw yr hyfryd fore ddydd

Dy enw Di, mor hynod yw gan Charles Wesley wedi'i gyfieithu gan Anhysbys

Yn rhad 'Rwy'n disgwyl rywbryd gael iachâd →

Mynegai Llyfr Emynau y Methodistiaid Calfinaidd a Wesleaidd 1930

139^[1] "Efe a ddichon yn gwbl iacháu."
M. H.

1 DY enw Di, mor hynod yw,
Hyfrydwch pur eneidiau byw;
I wael bechadur dan ei bwn
Mae cymorth yn yr enw hwn.

2 I bechaduriaid croeso gaed,
Pan ddoent yn gleifion at dy draed;
Trwy rasol eiriau, doniau Duw,
Ai'r claf yn iach, a'r marw'n fyw.

3 Ac onid ydwyt eto'r un—
Yn llawn o nefol ddawn i ddyn?
Ym mhob rhyw oes, dan loesau'r llawr,
Mae rhinwedd yn dy enw mawr.

4 Dy addewidion sydd yr un,
Wyt heddiw'n Feddyg euog ddyn;
Mae gennyt allu, Iesu mawr,
Ac 'wyllys i'n iacháu yn awr.

5 O! gwêl ni'n nesu at dy ddôr,
I gael iachâd, anfeidrol Iôr;
Iachâ ni'n hollol o bob clwy',
Fel na bo arnom archoll mwy.

—C. WESLEY, Cyf AN.

Ffynhonnell

1. Emyn rhif 139, Llyfr Emynau y Methodistiaid Calfinaidd a Wesleaidd 1930