Hwn yw yr hyfryd fore ddydd

← Per fydd dy gofio, Iesu da

Hwn yw yr hyfryd fore ddydd gan Ellis Roberts (Elis Wyn o Wyrfai)

Dy enw Di, mor hynod yw →

Mynegai Llyfr Emynau y Methodistiaid Calfinaidd a Wesleaidd 1930

138^[1] Atgyfodiad Crist.
M. H.

1 HWN yw yr hyfryd fore ddydd
Y daeth ein Iesu mawr yn rhydd ;
Cydlawenhaed pob enaid trist
Y dedwydd ddydd y cododd Crist.

2 Bodlonwyd holl ofynion llawn
Y gyfraith yn ei berffaith Iawn;
Caed cymod dros bechadur trist:
Cyflawnwyd popeth—cododd Crist.

3 Goleuni ddaeth ar byrth y bedd:
Dynoliaeth bur, â newydd wedd,
A ddaw i'r lan o'r carchar trist
I fywyd dedwydd—cododd Crist.

4 Gwrandewch, y nefoedd! ddaear, clyw!
Dy feirwon eto a fydd byw ;
Preswylwyr llwch marwolaeth drist,
Deffrowch a chenwch—cododd Crist.

—Ellis Roberts (Elis Wyn o Wyrfai)

Ffynhonnell

1. Emyn rhif 138, Llyfr Emynau y Methodistiaid Calfinaidd a Wesleaidd 1930