Dy glwyfau yw fy rhan
| ← Tosturi dwyfol fawr | Dy glwyfau yw fy rhan gan William Williams, Pantycelyn |
Mi gana' am waed yr Oen → |
| Mynegai Llyfr Emynau y Methodistiaid Calfinaidd a Wesleaidd 1930 |
98[1] Y cwbl trwy'r Gwaed.
M. B. D.
1.DY glwyfau yw fy rhan,
Fy nhirion Iesu da;
Y rhain yw nerth fy enaid gwan,
Y rhain a'm llwyr iachâ:
Er saled yw fy nrych,
Er tloted wyf yn awr,
Fy llenwi gaf â llawnder Duw,
A'm gweled fel y wawr.
2.Mi brofais Dduw yn dda,
Fy nhirion raslon Dad,
Yn maddau im fy meiau mawr
Yn rhwydd o'i gariad rhad:
Fe'm seliodd i mewn hedd—
On'd rhyfedd yw ei ras?
Fe'm bwydodd i â'r manna pur
Mewn gwledd o hyfryd flas.
William Williams, Pantycelyn
Ffynhonnell
golygu- ↑ Emyn rhif 98, Llyfr Emynau y Methodistiaid Calfinaidd a Wesleaidd 1930