Gwrid y Machlud/Yn y Cysgod

← Angel Gethsemane

Gwrid y Machlud gan Richard Jones (Ap Alun Mabon)

Y Gyfrinach →

YN Y CYSGOD

CLUDAI'R awel ryw wylofus
Suon hyd y rhos;
Pwy ond ambell wylan ofnus
Wyddai hynt y nos?

Troes y gweithiwr olaf adref
Dros y creigiau blin;
Dim ond torf o ddail yr hydref
Dan ei droed yn grin.

Dim ond breuddwyd hir aflonydd
Dan ddewiniaeth lloer,
A'r hen grwydryn gwelw, llonydd,
Yn y cysgod oer.