Prif Feirdd Eifionydd/Cysegrwn flaenffrwyth ddyddiau'n hoes
| ← Mae'r gwaed a redodd ar y groes | Prif Feirdd Eifionydd gan Edward David Rowlands |
Mi âf ymlaen o nerth i nerth → |
Galwad ar yr Ieuainc.
CYSEGRWN flaenffrwyth ddyddiau'n hoes
I garu'r Hwn fu ar y groes;
Mae mwy o bleser yn ei waith
Na dim a fedd y ddaear faith.
Cael bod yn fore dan yr iau
Sydd ganmil gwell na phleser gau;
Mae ffyrdd doethineb oll i gyd,
Yn gysur ac yn hedd o hyd.
O! na threuliaswn yn ddigoll
O dan iau Crist fy mebyd oll!
Mae'r Hwn a'm prynodd ar y groes
Yn deilwng o bob awr o'm hoes.
—PEDR FARDD.