Pwysaf arnat, addfwyn Iesu
| ← Un a gefais imi'n gyfaill | Pwysaf arnat, addfwyn Iesu gan Frances Ridley Havergal wedi'i gyfieithu gan William Nantlais Williams (Nantlais) |
Chwi, eneidiau, pam y crwydrwch → |
| Mynegai Llyfr Emynau y Methodistiaid Calfinaidd a Wesleaidd 1930 |
182[1] Pwyso ar Iesu
8. 5. 8. 3.
1 PWYSAF arnat, addfwyn Iesu,
Pwyso arnat Ti;
Mae dy ras di-drai digeulan,
Fel y lli.
2 Pwyso arnat am faddeuant;
Pwyso am fy hedd;
Y mae gwawr i'r truenusaf
Yn dy wedd.
3 Pwyso arnat am sancteiddrwydd,
Plygu wrth dy draed;
Y mae llwyr lanhad i'r aflan
Yn dy waed.
4 Pwyso arnat am gadernid,
Nid wyf fi ond gwan;
Y mae nerth yn dy ddeheulaw:
Dal fi i'r lan.
5 Pwyso arnat, Arglwydd Iesu,
Digon wyt i mi;
Pwyso'n llwyr am dragwyddoldeb
Arnat Ti
Frances Ridley Havergal,
cyf. William Nantlais Williams (Nantlais)
Ffynhonnell
golygu- ↑ Emyn rhif 182, Llyfr Emynau y Methodistiaid Calfinaidd a Wesleaidd 1930