Wrth droi fy ngolwg yma i lawr
| ← O'r holl fendithion gadd y byd | Wrth droi fy ngolwg yma i lawr gan William Williams, Pantycelyn |
Pechadur wyf, da gŵyr fy Nuw → |
| Mynegai Llyfr Emynau y Methodistiaid Calfinaidd a Wesleaidd 1930 |
131[1] Cariad at Grist..
M. H.
1 WRTH droi fy ngolwg yma i lawr
I gyrrau'r holl greadigaeth fawr,
Gwrthrych ni wêl fy enaid gwan
Ond Iesu i bwyso arno'n rhan.
2 Dewisais Ef, ac Ef o hyd
Ddewisaf mwy tra fwy'n y byd ;
Can' gwynfyd ddaeth i'm henaid tlawd-
Cael Brenin nefoedd imi'n Frawd.
3 Fy nghysur oll oddi wrtho dardd;
Mae'n Dad, mae'n Frawd, mae'n Briod hardd ;
F'Arweinydd llariaidd tua thref,
F'Eiriolwr cyfiawn yn y nef.
4 Ef garaf bellach tra fwyf byw,
Uwch creaduriaid o bob rhyw ;
Er gwaethaf daer ac uffern drist,
F'Anwylyd i fydd Iesu Grist.
William Williams, Pantycelyn
Ffynhonnell
golygu- ↑ Emyn rhif 131 Llyfr Emynau y Methodistiaid Calfinaidd a Wesleaidd 1930