Y Man y bo fy Arglwydd mawr

← Disgwyliaf o'r mynyddoedd draw

Y Man y bo fy Arglwydd mawr gan William Williams, Pantycelyn

Duw! er mor eang yw dy waith →

Mynegai Llyfr Emynau y Methodistiaid Calfinaidd a Wesleaidd 1930

57^[1] Nid Dim ond Duw.
M. H.

1.Y MAN y bo fy Arglwydd mawr
Yn rhoi ei nefol hedd i lawr,
Mae holl hapusrwydd maith y byd,
A'r nef ei hunan yno i gyd.

2.Nid oes na haul na sêr na lloer,
Na daear fawr a'i holl ystôr,
Na brawd, na chyfaill, da na dyn,
A'm boddia hebddo Ef ei Hun.

3.'D yw'r gair "maddeuant " imi ddim,
Nid oes mewn gweddi ronyn grym,
A llais heb sylwedd ŷnt i gyd,
Heb imi weld ei wyneb-pryd.

William Williams, Pantycelyn

Ffynhonnell

1. Emyn rhif 55, Llyfr Emynau y Methodistiaid Calfinaidd a Wesleaidd 1930