Y mae Un, uwchlaw pawb eraill

← N'ad im adeiladu'n ysgafn

Y mae Un, uwchlaw pawb eraill gan John Newton wedi'i gyfieithu gan Evan Evans (Ieuan Glan Geirionydd)

Iesu ei Hunan yw fy mywyd →

Mynegai Llyfr Emynau y Methodistiaid Calfinaidd a Wesleaidd 1930

200^[1] Y mae Un, uwchlaw pawb eraill.
87. 87. 77.

1 Y MAE Un, uwchlaw pawb eraill
Drwy'r greadigaeth fawr i gyd,
Sydd yn haeddu'i alw'n Gyfaill,
Ac a bery'r un o hyd:
Brawd a anwyd inni yw
Erbyn cledi o bob rhyw.

2 Ni all meithder ffordd, nac amser,
Oeri dim o'i gariad Ef,
Mae ei fynwes byth yn dyner,
A'i gymdeithas byth yn gref;
Ni all dyfroedd angau llym
Ddiffodd ei angerddol rym.

3 Pan fo pawb yn cefnu arnom
Yn y dyffryn tywyll du;
Pan fo pob daearol undeb
Yn ymddatod o bob tu;
Saif E'n ffyddlon y pryd hyn,
Ac fe'n dwg yn iach trwy'r glyn.

4 A phan ymddangoso eilwaith,
Yng ngogoniant pur ei Dad,
Gyda'i holl angylion sanctaidd,
Mewn anrhydedd a mawrhad,
Fe geir gweld mai'r un fydd Ef,
Er mynd heibio'r byd a'r nef.

John Newton,
Efelychiad: Evan Evans (Ieuan Glan Geirionydd)

Ffynhonnell

1. Emyn rhif 200, Llyfr Emynau y Methodistiaid Calfinaidd a Wesleaidd 1930