Y sawl ni rodia, dedwydd yw

← Mi glywais lais yr Iesu'n dweud

Y sawl ni rodia, dedwydd yw gan Edmwnd Prys

Yr Arglwydd yw fy Mugail clau →

472^[1] SALM I. 1, 2, 3.
M. S.

1 Y SAWL ni rodia, dedwydd yw,
Yn ôl drwg ystryw gyngor;
Ni saif ar ffordd troseddwyr ffôl,
Nid eiste'n stôl y gwatwor.

2 Ond ei holl serch ef fydd yn rhwydd
Ar ddeddf yr Arglwydd uchod:
Ac ar ei ddeddf rhydd, ddydd a nos,
Yn ddiddos ei fyfyrdod.

3 Ef fydd fel pren plan ar lan dôl,
Dwg ffrwyth amserol arno;
Ni chrina'i ddalen, a'i holl waith
A lwydda'n berffaith iddo.

—Edmwnd Prys

Ffynhonnell

1. Emyn rhif 472, Llyfr Emynau y Methodistiaid Calfinaidd a Wesleaidd 1930