Caniadau Owen Lewis (Glan Cymerig)/Jane E Rees

← Pryddest Yr Ardd

Caniadau Owen Lewis (Glan Cymerig) gan Owen Lewis (Glan Cymerig)

Cwyn y Caethwas →

ER COFFADWRIAETH
am Jane Evangeline Reese, yr hon a hunodd yn yr Iesu, Tachwedd 11eg, 1892.

FlLODEUYN hardd—anwylaf un
Yr hawddgar hoff EVANGE,
'Roedd rhywbeth yn ei gruddiau cûn
Yn gwneyd i bawb ei hoffi.
Ond gwywo wnaeth y fach ddinam
'Run fath a'r tyner flod'yn
Gadawodd hi ei thad a'i mham
I fyn'd i wlad y delyn.

Y gwlith a gwyd y blod'yn mad
I wenu arnom wedyn,
Ond nid yw dagrau yr holl wlad
Yn ddigon am y plentyn.
Draw yn yr enfys hardd uwchben
Mae'r gwlithyn yn ail wenu
EVANGE hithau yn y nen
Sy'n gwenu yn ngoron Iesu,

Mae adgof am ei gweddi daer,
Yn fyw yn ein calonau;
Ac oh! mor anwyl tros ei chwaer
Erfyniai ar ei gliniau
Ar Iesu Grist ei chadw hi.
Fe ddarfu yntau wrando,
Ond cymrodd oddiwrthym ni
Yr hon oedd yn gweddio.

Ehedeg wnaeth o swn y byd
Yn ol i'r nefol drigfa,
A gwyliodd engyl Duw ei chryd
Tra bu yn aros yma.
O ryfedd drefn! mor fyr fu'r daith,
A dyra oedd ei gweddi,
Fel hyn gofynodd lawer gwaith
A wnaf fi farw, Mami?

A marw wnaeth, ond marw i fyw
A ddarfu 'r hoff EVANGE;
Ac heddyw gydag engyl Duw
Mae hi yn melus foli.
Ond ar ei bedd y blodau sydd
Yn gwenu arnom weithian,
Mil harddach yw y blod'yn cudd
Sy'n gorwedd yn y graian.

Fe hidlwyd dagrau ar ei bedd
Gan rai oedd yn ei charu,
Tra gwenai hithau 'n hardd ei gwedd
Yn nghôl yr addfwyn Iesu,
Mewn gwlad nad oes un poen na chri,
Mewn gwlad yn llawn goleuni,
Ha cofiwch am ei geiriau hi,
'Na wylwch drostwyf, Mami.