Ieuan Glan Geirionydd (Cyfres y Fil)/Gwledd Belsassar II—Araith Belsassar

← Gwledd Belsassar II—Clod y Bardd teulu

Ieuan Glan Geirionydd (Cyfres y Fil) gan Evan Evans (Ieuan Glan Geirionydd) golygwyd gan Owen Morgan Edwards

Gwledd Belsassar II—Y Llaw ar y pared →

Araith Belsassar.

"O! chwi odidog dywysogion,
Llon eu golwg, a llawen galon,
Dra y gweloch oleuder gwiwlon
Yn teru'n wyneb eich teyrn union;
Ond un ddu ŵg—dyna ddigon—yna
Edwa, ys oera'ch holl gysuron.

"Yr wyf yn ddewin ar bob cyfrinion,
Ie, adwaenaf feddyliau dynion;
O draw gwelaf ddyfnder y galon
O hyd i'r gwaelod, a phob dirgelion.
Breuddwyd, a phob arwyddion—sydd i mi
Yn ail i oleuni gloew haul hinon.
"Ar Fabel ddihefelydd, a'i gwenawl—
Ogoniant, wyf Lywydd.
Diddadl i mi'n gystadlydd
Mewn gallu, ni fu—ni fydd.

Pwy yn gymar i Belsassar
Drwy fro daear, o fri dien?

Ydwyf bennaf, ac urddasaf,
Lyw uchelaf dan gylch heulwen.

"Mae'n fri i ddaear fy nghariaw—a'r haul
Ro'i wên i'm goleuaw;
Y lloer a'r ser ar bob llaw
I'm mwyniant sy'n ymunaw.

"A pha dduw drwy'r hoff ddaear—i Fel
A'i foliant yn gymar,
A daena ei aden wâr
I lochi'n dinas lachar?

"Iselwyd Duw Caersalem,
Er rhoch ei lid a'i fraich lem,
A'i astrus wyrthiau rhestrol,
A'i ddoniau ef ddyddiau'n ol.
Ac er ei holl ffrostgar waith,
Neu driniad ei daraniaith,
A chaeth fygythion, a chur,
I'w haedd—alon, a'i ddolur;

"A son am Seion a'i sant—aidd enw
A'i ddinwyth ogoniant,
Ei fawl, a thy ei foliant,
A'i dirion ragorion gant;

"O flaen Bel e ddiflannai
Ei holl nerth, a phallu wnai.
Ei dem wych, a'i dy mawl ef,
Heddyw sydd yn anhaddef.
A'i haur lestri yr awrhon
A geid yn brid ger ein bron,
Yn deg dlysau diogel
Yn hulio bwrdd cylchwyl Bel.

AR LAN LLYN GEIRIONYDD.

"Graianaidd lan Geirionydd lwys.
Fy mabwysiadol fro."

"Deuwch, a llenwch hwy'n llawnion,—uchel
Rhown iechyd Bel weithion,
Am 'r orfodaeth helaeth hon
Ar Dduw gau yr Iddewon.

"Wele fi'n rhoddi'r awrhon
Herr i Dduw yr . . . .^[1]
. . . Och! . . edrychwch draw!
Arwyddion i'm cythruddaw.
Gan eu llwg, yn llewygol,
Fy enaid a naid yn ol!"

Nodiadau

1. Wele fi'n rhoddi'r awrhon
   Herr i Dduw yr Iddewon;
   Och :gwelwch, edrychwch draw