Mae'r Iesu'n fwy na'i roddion
| ← Un waith am byth oedd ddigon | Mae'r Iesu'n fwy na'i roddion gan William Williams, Pantycelyn |
Angylion doent yn gyson → |
| Mynegai Llyfr Emynau y Methodistiaid Calfinaidd a Wesleaidd 1930 |
1 MAE'R Iesu'n fwy na'i roddion,
Mae Ef yn fwy na'i ras;
Yn fwy na'i holl weithredoedd,
O fewn ac o'r tu maes;
Pob ffydd a dawn a phurdeb,—
Mi lefa' amdanynt hwy,—
Ond arno'i Hun yn wastad
Edrycha'i'n llawer mwy.
2 Gweld ŵyneb fy Anwylyd
Wna i'm henaid lawenhau,
Trwy'r cwbwl ges i eto,
Neu fyth gaf ei fwynhau;
Pan elont hwy yn eisiau,
Pam byddaf fi yn drist
Tra caffwyf weled wyneb
Siriolaf Iesu Grist?
William Williams, Pantycelyn
o Golwg ar Deyrnas Crist