Mi ymddiriedais ynot, Ner

← Bendigaid fyth fo'r Arglwydd mau

Mi ymddiriedais ynot, Ner gan Edmwnd Prys

Fy enaid, mawl Sanct Duw yr Iôn →

Mynegai Llyfr Emynau y Methodistiaid Calfinaidd a Wesleaidd 1930

12^[1] SALM LXXI. 1, 2, 3, 9, 14.
M. S.

1 MI ymddiriedais ynot, Nêr,
Na'm gwaradwydder bythoedd ;
Duw, o'th gyfiawnder gwared fi,
A chlyw fy nghri hyd nefoedd.

2 Duw, bydd yn graig o nerth i mi,
I gyrchu ati'n wastad;
A phâr fy nghadw i yn well,
Ti yw fy nghastell caead.

3 Nac esgeulusa fi na'm braint
Yn amser henaint truan;
Er pallu'r nerth, na wrthod fi,
Duw, edrych Di ar f'oedran.

4 Fy ngobaith innau a saif byth,
Yn ddilyth a safadwy;
Ymddiried ynot, Dduw, a wnaf,
Ac a'th foliannaf fwyfwy.

—Edmwnd Prys

Ffynhonnell

1. Emyn rhif 12, Llyfr Emynau y Methodistiaid Calfinaidd a Wesleaidd 1930