Y Gusan

← Rhys Meirion

Y Gusan gan Robin Llwyd ab Owain

Cywilydd! →

Cyhoeddwyd gyntaf yn Y Bedol, Hydref 1996. Ffynhonnell: [1] gwefan Rebel ar y We / Rhedeg ar Wydr.

Trosglwyddodd y bardd ei gerddi ar drwydded agored yn Ebrill 2020.

Pan grewyd ein breuddwydion
Un oedd ein hanadl ni;
Roedd llaw y bore'n lliwio
Enfysau dy wefusau di.

Yn hunllef yr hunllefau
Di-liw pob fory, di-loer;
Heno cusanaf innau
Barlus dy wefusau oer.