Hanes Alexander Fawr

←

Hanes Alexander Fawr gan Hugh Humphreys, Caernarfon

Ei Ddyddiau Boreuaf

I'w lawr lwytho ar gyfer darllenydd e-lyfrau gweler Hanes Alexander Fawr (testun cyfansawdd)

Cynnwys

EI DDYDDIAU BOREUAF
EI DDYRCHAFIAD I'R ORSEDD
EI YMGYRCH I JERUSALEM
LLWYR ORCHFYGU BYDDIN DARIUS
EI YMGYRCH I INDIA
EI FARWOLAETH

HANES ALEXANDER FAWR

ALEXANDER, yr hwn a elwir ALEXANDER FAWR, ydoedd fab ac olynydd i Philip, brenin Macedonia. Ganwyd ef ar y 6ed o fis Gorphenaf, yn y flwyddyn 355 cyn geni Crist, yr un dydd, meddir, ag y llosgwyd teml fawr Diana yn Ephesus. Ar adeg ei enedigaeth yr oedd ei dad newydd gymeryd dinas Potidea, a derbyniodd dri o newyddion pwysig ar yr un diwrnod; yn gyntaf, fod ei gadfridog Parmenio wedi enill buddugoliaeth fawr ar yr Illyriaid; yn ail, fod ei redegfarch wedi enill yn y campau Olympaidd; ac yn drydydd, fod ei wraig Olympias wedi cael ei gwely ar Alexander.